МЕМЛЕКЕТТІК ТІЛДІ ДАМЫТУ- БАСТЫ ПАРЫЗЫМЫЗ

Abstract

Түркі елдерінің ішінде түп-тамырын сақтаған ең таза тіл -Қазақ тілі, мемлекеттік тіліміз. Ол -ұлтымыздың жаны, халықтығымыздың, елдігіміздің ең басты көрсеткіші. Ұлттық кодтың жиналатын, сақталатын, ұрпақтан-ұрпаққа берілетін қоры да, қазынасы да, тасымалдаушысы да ана тіліміз. Сөзі жоғалған жұрттың, өзі де жоғалады» деп ұлт ұстазы Ахмет Байтұрсынов бастаған Алаш зиялылары, кешегі Бауыржан Момышұлына дейін ұлттың біртуар перзенттері, қайраткерлері ана тіліміздің ұлтты сақтаудың тікелей кепілі екенін, оның келешегіне қатты алаңдаушылық білдіріп отырғаны баршамызға аян.