ҒҰМЫРЫН ҒЫЛЫМ-БІЛІМГЕ АРНАҒАН ЖАН

Abstract

Өзіңмен қатар жүрген, көп жылдар бірге қызмет істеп келе жатқан замандастар туралы пікір айтудың өзіндік орны бар. Адамның жасы ұлғайған сайын өткен өміріне көз тастап, артында қалған үлгілі істерін ескеріп, жүріп өткен жолының дұрыстығын көңіліне демеу қылу үшін де замандастарының жылы лебізі керек-ақ. Мен біраз жылдан бері қанаттас қызметтес болып келе жатқан дос-ініміз, биыл асқаралы 60 жасқа толып отырған ғалым-педагог, филология ғылымдарының кандидаты, доцент, Ш.Есенов атындағы технологиялар және инжиниринг университеті «Қазақ филологиясы» кафедрасының профессоры Жоламан Таубауұлы Қобыланов туралы айтпақпын.