“LAYLI VA MAJNUN” DOSTONIDAGI MUNOJOT BOBLARNING MANBALARI VA BADIIY TAHLILI

Abstract

Maqolada Alisher Navoiy ijodida alohida o`rin egallaydigan "Xamsa" dostonlaridan "   Layli va Majnun" tarkibidagi munojot bobi g`oyayaviy-badiiy tahlilga tortilgan. Tahlil davomida misralarda keltirilgan fikrlarning manbalari, ya'ni Qur'oni Karim, Hadisi Sharif, tasavvuf ta'limoti bilan bog`liq jihatlarga e'tibor qaratiladi. Doston tarkibidagi she'riy satrlar nasriy bayon qilinib, tahlilga tortiladi. Munojot bobi tahlilga tortilar ekan, o`zbek kitobatchilik tarixida maxsus an'ana (an'anaviy kirish boblar: basmala, hamd, munojot, na't) larning shakllanishi haqida ham fikr yuritiladi. Munojot bobida Alisher Navoiy Ollohning azamatlik qudratiga, ya'ni yo`qdan bor, bordan yo`q qiluvchi ulug` zot ekanligiga alohida e'tibor qaratgan. Ana shu jihatlar tahlilda inobatga olingan. Maqolada shoirning badiiy mahoratiga ham baho beriladi.