O‘ZBEK VA TURK TILLARIDA OZIQ-OVQAT NOMLARINING QIYOSIY-LINGVOMADANIY TADQIQI

Abstract

Mazkur maqolada o‘zbek va turk tillaridagi oziq-ovqat nomlari qiyosiy hamda lingvomadaniy aspektda tahlil qilinadi. Oziq-ovqat leksikasi xalqning tarixiy taraqqiyoti, milliy mentaliteti, xo‘jalik faoliyati va madaniy qadriyatlarini aks ettiruvchi muhim til qatlamlaridan biri sifatida yoritiladi. Tadqiqotda turkiy tillar leksikasini o‘rganishda muhim hissa qo‘shgan olimlar: Vasiliy Radlov, Nikolay Baskakov, Aleksandr Kononov hamda o‘zbek tilshunosligida A. Hojiyev, E. Begmatov, Sh. Rahmatullayev, N. Mahmudov kabi tadqiqotchilarning ilmiy qarashlari tahlil qilinadi. Shuningdek, turk tilshunosligida Z. Korkmaz, M. Ergin, A. Bican Ercilasunlarning ishlari ham ko‘rib chiqiladi Maqolada oziq-ovqat nomlarining etimologik xususiyatlari, semantik taraqqiyoti, frazeologik birliklardagi ifodasi hamda milliy madaniyat bilan uzviy bog‘liqligi ochib beriladi. Jumladan, Devonu Lug‘otit-Turk asaridagi oziq-ovqat va ichimlik nomlari hamda ularning hozirgi Turkiya turkchasidagi ko‘rinishlari qiyosiy jihatdan tahlil qilinadi. Tadqiqot natijalari gastronomik leksikaning nafaqat lingvistik, balki etnografik va madaniy ahamiyatga ega ekanligini ko‘rsatadi.